English
English
03/02/2013
Bætt aðgengi ferðamanna í Vesturbyggð
„Það er erfitt fyrir lítið og fjárvana sveitarfélag að standa undir þessu og við erum heppin að fá þennan styrk frá Ferðamálastofu,“ segir Ásthildur Sturludóttir bæjarstjóri í Vesturbyggð um 1,5 milljóna króna styrk sem Vesturbyggð og Umhverfisstofnun fengu á dögunum úr framkvæmdasjóði ferðamannastaða. Styrkurinn er veittur til fullnaðar hönnunar áningarstaða við Bjargtanga á grundvelli vinnu við deiliskipulag Látrabjargs sem er í vinnslu.

„Við erum að vinna að deiliskipulagi þannig að ekki hefur verið ákveðið hvað verður gert. Það verður allt unnið í samvinnu við landeigendur og Umhverfisstofnun sem stýrir þessu verkefni. Styrkurinn verður notaður í áframhaldandi undirbúningsvinnu sem byggir á því að vera með lágmarks uppbyggingu á svæðinu, þ.e. byggja á því sem fyrir er. Ekki er búið að taka ákvörðun um hvað verður gert þar sem þetta verður að vera gert í góðri samvinnu við landeigendur,“ segir Ásthildur.

Á svæðinu er gríðarlegt magn af menningarminjum sem þarf að vernda og í þessari vinnu í deiliskipulagi er m.a. hugað að verndun gamalla verbúða, hleðslna, refagildra og bæjarmyndarinnar á Hvallátrum að sögn Ásthildar og er markmið styrkveitingarinnar m.a. að vernda náttúru- og menningarminjar. 30.000 manns heimsækir Látrabjarg á hverju ári og þörf er á því að gera svæðið þannig úr garði að það geti tekið á móti sí auknum fjölda ferðamanna. Vegurinn ber svo dæmi séu tekin ekki þann fjölda ferðamanna sem nú heimsækir staðinn.

„Við höfum verið í viðræðum við Vegagerðina um að færa veginn fyrir ofan þorpið og gera lagfæringar á honum. Við leggjum mikla áherslu á a vera i góðu samstarfi við alla hagsmunaaðila, landeigendur og fleiri,“ segir Ásthildur. Styrkurinn er einnig liður í undirbúningi vegna fyrirhugaðs þjóðgarðs sem mun ná frá Breiðuvík yfir í Keflavík að sögn Ásthildar. „En vilji er fyrir því hjá umhverfisráðherra að þarna verði stofnaður þjóðgarður. Umhverfisstofnun er að vinna að verndaráætlun á þessu svæði sem er grunnurinn að deiliskipulagi sem við erum að vinna. Allt er gert í góðri sátt við landeigendur og aðra hagsmunaaðila, þetta er samstarfsverkefni. Verið er að bæta aðgengi og vernda náttúruna,“ segir Ásthildur en styrkurinn mun eflaust nýtast vel í þessari undirbúningsvinnu.

Heimild og mynd: www.bb.is



Leita í fréttum Frá árinu: Leitarorð:

12
Býður upp á alvöru jeppaferðir 21.5.2014
Iceland Backcountry Travel er nýstofnað ferðaþjónustufyrirtæki á Ísafirði. Guðmundur Valdimarsson er eigandi fyrirtækisins og hefur hann til umráða sjö manna jeppa. „Þetta verða alvöru jeppatúrar, bæði jöklaferðir á Drangajökul og um vegi á Vestfjörðum sem eru i
meira
Fjölbreytar vetrarferðir í boði hjá Vesturferðum 6.11.2013
Ferðamönnum stendur ýmislegt til boða á Vestfjörðum. Nanct Bectloff, framkvæmdastjóri Vesturferða á Ísafirði, nefnir í því sambandi menningargöngur, kajakferðir, norðurljósaferðir í Heydal, og skoðunarferðir af ýmsu tagi. Þá má ekki gleyma því a&
meira
Heimildarmynd um sögu Ísafjarðar 10.10.2013
Vinna við heimildarmynd um sögu Ísafjarðar í máli og myndum er langt komin í klippingu. Hnífsdælingurinn Guðmundur Tryggvi Ásbergsson er framleiðandi myndarinnar og á hugmyndina að henni. Vildi hann hjálpa ferðamönnum, til að mynda farþegum skemmtiferðaskipa, að upplifa Ísafjörð
meira
Kostuleg mynd af pari og hundi 7.10.2013
Ljósmynd Gudrunar Ninu Petersen var valin besta ljósmyndin í ljósmyndasamkeppninni Mínir Vestfirðir sem Markaðsstofa Vestfjarða efndi til í sumar. „Gudrun Nina tók alveg kostulega mynd af pari og hundi á Rauðasandi, hún fær að launum iPad mini,“ segir Díana Jóhannsdóttir markaðsfulltrúa MV. H
meira
Fengu tvær lúður sama daginn 8.7.2013
Það komu tvær lúður á einn og sama bátinn í síðasta mánuði og það sama daginn sem er mjög óvenjulegt. Þær vógu 67 og 70 kíló. Það er einsdæmi að menn fái tvær lúður sama daginn á sama báti. Veiðin hefur verið góð að u
meira
Kajakferðir í boði um páskana 17.3.2013
„Aðstaða Sæfara verður opin frá kl. 11-16 yfir páskana. Þar verður hægt að leigja sér báta og þar verður eflaust hægt að leigja leiðsögn. Við vonumst til að fólk láti sjá sig enda var þetta vinsælt um síðustu páska,“ segir Rúnar Helgi Haraldsson, forma&
meira
Skíðaævintýri á Vestfjörðum 12.3.2013
„Ég held að öll jákvæð umfjöllun hafi góð áhrif og við viljum sýna náttúruna okkar eins og hægt er. Það er mjög flott að þeir skuli koma hingað að taka myndir,“ segir Daníel Jakobsson bæjarstjóri á Ísafirði, en um 20 manna hópur frá Marmot, sem er
meira
One Scene frumsýnd 13. desember 4.12.2012
Vestfirska bíómyndin One Scene verður frumsýnd þann 13. desember næstkomandi í Ísafjarðarbíói. Myndin er leikstýrð af bandaríska leikstjóranum Gerrit Marks, en hann leikur einnig aðalhlutverkið í myndinni ásamt Katrínu Líney Jónsdóttur. Myndin er í fullri lengd, en hún
meira
Bubbi og Helgi Björns á leiðinni vestur 17.10.2012
Fjölmargir þungavigtarmenn í tónlistinni hafa boðað komu sína til Ísafjarðar á haustdögum. Greint hefur verið frá komu Björgvins Halldórssonar og Stefáns Hilmarssonar og Sálarinnar Hans Jóns Míns og nú hafa Bubbi Morthens og Helgi Björnsson boðað komu sína vestur. Bubbi ver
meira
Fimm nýir matsölustaðir á Ísafirði 2.7.2012
Hægt er að fara út að borða með fjölskylduna á 25 veitingastöðum á norðanverðum Vestfjörðum, en mikil gróska hefur verið í ferðaþjónustu á Vestfjörðum á undanförnum árum. Sigríður Kristjánsdóttir verkefnisstjóri hjá Nýsk
meira
12